{"id":"sn5.10","title":"With Vajirā","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn5.10","title":"With Vajirā","units":[{"id":"sn5.10:0","sourceIds":["sn5.10:0.1","sn5.10:0.2","sn5.10:0.3"],"kind":"text","text":{"pi":"Saṁyutta Nikāya 5.10\n1. Bhikkhunīvagga\nVajirāsutta","en":"Linked Discourses 5.10\n1. Nuns\nWith Vajirā"}},{"id":"sn5.10:1","sourceIds":["sn5.10:1.1","sn5.10:1.2","sn5.10:1.3","sn5.10:1.4","sn5.10:1.5"],"kind":"text","text":{"pi":"Sāvatthinidānaṁ.\nAtha kho vajirā bhikkhunī pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisi.\nSāvatthiyaṁ piṇḍāya caritvā pacchābhattaṁ piṇḍapātapaṭikkantā yena andhavanaṁ tenupasaṅkami divāvihārāya.\nAndhavanaṁ ajjhogāhetvā aññatarasmiṁ rukkhamūle divāvihāraṁ nisīdi.\nAtha kho māro pāpimā vajirāya bhikkhuniyā bhayaṁ chambhitattaṁ lomahaṁsaṁ uppādetukāmo samādhimhā cāvetukāmo yena vajirā bhikkhunī tenupasaṅkami; upasaṅkamitvā vajiraṁ bhikkhuniṁ gāthāya ajjhabhāsi:","en":"At Sāvatthī.\nThen the nun Vajirā robed up in the morning and, taking her bowl and robe, entered Sāvatthī for alms.\nShe wandered for alms in Sāvatthī. After the meal, on her return from almsround, she went to the Dark Forest for the day’s meditation,\nplunged deep into it, and sat at the root of a tree to meditate.\nThen Māra the Wicked, wanting to make the nun Vajirā feel fear, terror, and goosebumps, wanting to make her fall away from immersion, went up to her and addressed her in verse:"}},{"id":"sn5.10:2","sourceIds":["sn5.10:2.1","sn5.10:2.2","sn5.10:2.3","sn5.10:2.4"],"kind":"text","text":{"pi":"“Kenāyaṁ pakato satto,\nkuvaṁ sattassa kārako;\nKuvaṁ satto samuppanno,\nkuvaṁ satto nirujjhatī”ti.","en":"“Who created this sentient being?\nWhere is its maker?\nWhere has the being arisen?\nAnd where does it cease?”"}},{"id":"sn5.10:3","sourceIds":["sn5.10:3.1","sn5.10:3.2","sn5.10:3.3","sn5.10:3.4","sn5.10:3.5"],"kind":"text","text":{"pi":"Atha kho vajirāya bhikkhuniyā etadahosi:\n“ko nu khvāyaṁ manusso vā amanusso vā gāthaṁ bhāsatī”ti?\nAtha kho vajirāya bhikkhuniyā etadahosi:\n“māro kho ayaṁ pāpimā mama bhayaṁ chambhitattaṁ lomahaṁsaṁ uppādetukāmo samādhimhā cāvetukāmo gāthaṁ bhāsatī”ti.\nAtha kho vajirā bhikkhunī “māro ayaṁ pāpimā” iti viditvā, māraṁ pāpimantaṁ gāthāhi paccabhāsi:","en":"Then the nun Vajirā thought,\n“Who’s speaking this verse, a human or a non-human?”\nThen she thought,\n“This is Māra the Wicked, wanting to make me feel fear, terror, and goosebumps, wanting to make me fall away from immersion!”\nThen Vajirā, knowing that this was Māra the Wicked, replied to him in verse:"}},{"id":"sn5.10:4","sourceIds":["sn5.10:4.1","sn5.10:4.2","sn5.10:4.3","sn5.10:4.4"],"kind":"text","text":{"pi":"“Kiṁ nu sattoti paccesi,\nmāra diṭṭhigataṁ nu te;\nSuddhasaṅkhārapuñjoyaṁ,\nnayidha sattupalabbhati.","en":"“Why do you believe there’s such a thing as a ‘sentient being’?\nMāra, is this your theory?\nThis is just a pile of conditions,\nyou won’t find a sentient being here."}},{"id":"sn5.10:5","sourceIds":["sn5.10:5.1","sn5.10:5.2","sn5.10:5.3","sn5.10:5.4"],"kind":"text","text":{"pi":"Yathā hi aṅgasambhārā,\nhoti saddo ratho iti;\nEvaṁ khandhesu santesu,\nhoti sattoti sammuti.","en":"When the parts are assembled\nwe use the word ‘chariot’.\nSo too, when the aggregates are present\n‘sentient being’ is the convention we use."}},{"id":"sn5.10:6","sourceIds":["sn5.10:6.1","sn5.10:6.2","sn5.10:6.3","sn5.10:6.4"],"kind":"text","text":{"pi":"Dukkhameva hi sambhoti,\ndukkhaṁ tiṭṭhati veti ca;\nNāññatra dukkhā sambhoti,\nnāññaṁ dukkhā nirujjhatī”ti.","en":"But it’s only suffering that comes to be,\nlasts a while, then expires.\nNaught but suffering comes to be,\nnaught but suffering ceases.”"}},{"id":"sn5.10:7","sourceIds":["sn5.10:7.1","sn5.10:7.2"],"kind":"text","text":{"pi":"Atha kho māro pāpimā “jānāti maṁ vajirā bhikkhunī”ti dukkhī dummano tatthevantaradhāyīti.\nBhikkhunīvaggo paṭhamo.","en":"Then Māra the Wicked, thinking, “The nun Vajirā knows me!” miserable and sad, vanished right there."}},{"id":"sn5.10:8","sourceIds":["sn5.10:8.0","sn5.10:8.1","sn5.10:8.2","sn5.10:8.3","sn5.10:8.4","sn5.10:8.5","sn5.10:8.6"],"kind":"text","text":{"pi":"Tassuddānaṁ\nĀḷavikā ca somā ca,\nGotamī vijayā saha;\nUppalavaṇṇā ca cālā,\nUpacālā sīsupacālā ca;\nSelā vajirāya te dasāti.\nBhikkhunīsaṁyuttaṁ samattaṁ.","en":"The Linked Discourses on Nuns are complete."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn5.10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}