{"id":"sn51.15","title":"The Brahmin Uṇṇābha","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn51.15","title":"The Brahmin Uṇṇābha","units":[{"id":"sn51.15:0","sourceIds":["sn51.15:0.1","sn51.15:0.2","sn51.15:0.3"],"kind":"text","text":{"pi":"Saṁyutta Nikāya 51.15\n2. Pāsādakampanavagga\nUṇṇābhabrāhmaṇasutta","en":"Linked Discourses 51.15\n2. Shaking the Stilt Longhouse\nThe Brahmin Uṇṇābha"}},{"id":"sn51.15:1","sourceIds":["sn51.15:1.1","sn51.15:1.2","sn51.15:1.3","sn51.15:1.4","sn51.15:1.5","sn51.15:1.6"],"kind":"text","text":{"pi":"Evaṁ me sutaṁ—\nekaṁ samayaṁ āyasmā ānando kosambiyaṁ viharati ghositārāme.\nAtha kho uṇṇābho brāhmaṇo yenāyasmā ānando tenupasaṅkami; upasaṅkamitvā āyasmatā ānandena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho uṇṇābho brāhmaṇo āyasmantaṁ ānandaṁ etadavoca:\n“kimatthiyaṁ nu kho, bho ānanda, samaṇe gotame brahmacariyaṁ vussatī”ti?\n“Chandappahānatthaṁ kho, brāhmaṇa, bhagavati brahmacariyaṁ vussatī”ti.","en":"So I have heard.\nAt one time Venerable Ānanda was staying near Kosambī in Ghosita’s monastery.\nThen Uṇṇābha the brahmin went up to Venerable Ānanda, and exchanged greetings with him.\nWhen the greetings and polite conversation were over, he sat down to one side and said to him,\n“Worthy Ānanda, what’s the goal of leading the spiritual life under the ascetic Gotama?”\n“The goal of leading the spiritual life under the Buddha, brahmin, is to give up desire.”"}},{"id":"sn51.15:2","sourceIds":["sn51.15:2.1","sn51.15:2.2"],"kind":"text","text":{"pi":"“Atthi pana, bho ānanda, maggo atthi paṭipadā etassa chandassa pahānāyā”ti?\n“Atthi kho, brāhmaṇa, maggo, atthi paṭipadā etassa chandassa pahānāyā”ti.","en":"“But is there a path and a practice for giving up that desire?”\n“There is.”"}},{"id":"sn51.15:3","sourceIds":["sn51.15:3.1","sn51.15:3.2","sn51.15:3.3","sn51.15:3.4","sn51.15:3.5","sn51.15:3.6"],"kind":"text","text":{"pi":"“Katamo pana, bho ānanda, maggo katamā paṭipadā etassa chandassa pahānāyā”ti?\n“Idha, brāhmaṇa, bhikkhu chandasamādhippadhānasaṅkhārasamannāgataṁ iddhipādaṁ bhāveti,\nvīriyasamādhi …pe…\ncittasamādhi …\nvīmaṁsāsamādhippadhānasaṅkhārasamannāgataṁ iddhipādaṁ bhāveti—\nayaṁ kho, brāhmaṇa, maggo ayaṁ paṭipadā etassa chandassa pahānāyā”ti.","en":"“What is that path?”\n“It’s when a mendicant develops the basis of psychic power that has immersion due to enthusiasm …\nenergy …\nmental development …\ninquiry, and active effort.\nThis is the path and the practice for giving up that desire.”"}},{"id":"sn51.15:4","sourceIds":["sn51.15:4.1","sn51.15:4.2","sn51.15:4.3","sn51.15:4.4","sn51.15:4.5","sn51.15:4.6","sn51.15:4.7","sn51.15:4.8","sn51.15:4.9","sn51.15:4.10","sn51.15:4.11","sn51.15:4.12","sn51.15:4.13","sn51.15:4.14","sn51.15:4.15","sn51.15:4.16"],"kind":"text","text":{"pi":"“Evaṁ sante, bho ānanda, santakaṁ hoti no asantakaṁ.\nChandeneva chandaṁ pajahissatīti—netaṁ ṭhānaṁ vijjati”.\n“Tena hi, brāhmaṇa, taññevettha paṭipucchissāmi. Yathā te khameyya tathā taṁ byākareyyāsi.\nTaṁ kiṁ maññasi, brāhmaṇa,\nahosi te pubbe chando ‘ārāmaṁ gamissāmī’ti?\nTassa te ārāmagatassa yo tajjo chando so paṭippassaddho”ti?\n“Evaṁ, bho”.\n“Ahosi te pubbe vīriyaṁ ‘ārāmaṁ gamissāmī’ti?\nTassa te ārāmagatassa yaṁ tajjaṁ vīriyaṁ taṁ paṭippassaddhan”ti?\n“Evaṁ, bho”.\n“Ahosi te pubbe cittaṁ ‘ārāmaṁ gamissāmī’ti?\nTassa te ārāmagatassa yaṁ tajjaṁ cittaṁ taṁ paṭippassaddhan”ti?\n“Evaṁ, bho”.\n“Ahosi te pubbe vīmaṁsā ‘ārāmaṁ gamissāmī’ti?\nTassa te ārāmagatassa yā tajjā vīmaṁsā sā paṭippassaddhā”ti?\n“Evaṁ, bho”.","en":"“This being the case, worthy Ānanda, the path is endless, not finite.\nFor it’s not possible to give up desire by means of desire.”\n“Well then, brahmin, I’ll ask you about this in return, and you can answer as you like.\nWhat do you think, brahmin?\nHave you ever had a desire to walk to the park,\nbut when you arrived at the park, the corresponding desire faded away?”\n“Yes, sir.”\n“Have you ever had the energy to walk to the park,\nbut when you arrived at the park, the corresponding energy faded away?”\n“Yes, sir.”\n“Have you ever had the idea to walk to the park,\nbut when you arrived at the park, the corresponding idea faded away?”\n“Yes, sir.”\n“Have you ever inquired regarding a walk to the park,\nbut when you arrived at the park, the corresponding inquiry faded away?”\n“Yes, sir.”"}},{"id":"sn51.15:5","sourceIds":["sn51.15:5.1","sn51.15:5.2","sn51.15:5.3","sn51.15:5.4","sn51.15:5.5","sn51.15:5.6"],"kind":"text","text":{"pi":"“Evameva kho, brāhmaṇa, yo so bhikkhu arahaṁ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṁyojano sammadaññāvimutto, tassa yo pubbe chando ahosi arahattappattiyā, arahattappatte yo tajjo chando so paṭippassaddho;\nyaṁ pubbe vīriyaṁ ahosi arahattappattiyā, arahattappatte yaṁ tajjaṁ vīriyaṁ taṁ paṭippassaddhaṁ;\nyaṁ pubbe cittaṁ ahosi arahattappattiyā, arahattappatte yaṁ tajjaṁ cittaṁ taṁ paṭippassaddhaṁ;\nyā pubbe vīmaṁsā ahosi arahattappattiyā, arahattappatte yā tajjā vīmaṁsā sā paṭippassaddhā.\nTaṁ kiṁ maññasi, brāhmaṇa,\niti evaṁ sante, santakaṁ vā hoti no asantakaṁ vā”ti?","en":"“In the same way, take a mendicant who is perfected—with defilements ended, who has completed the spiritual journey, done what had to be done, laid down the burden, achieved their heart’s goal, utterly ended the fetter of continued existence, and is rightly freed through enlightenment. They formerly had the desire to attain perfection, but when they attained perfection the corresponding desire faded away.\nThey formerly had the energy to attain perfection, but when they attained perfection the corresponding energy faded away.\nThey formerly had the idea to attain perfection, but when they attained perfection the corresponding idea faded away.\nThey formerly inquired regarding attaining perfection, but when they attained perfection the corresponding inquiry faded away.\nWhat do you think, brahmin?\nThis being the case, is the path endless or finite?”"}},{"id":"sn51.15:6","sourceIds":["sn51.15:6.1","sn51.15:6.2","sn51.15:6.3","sn51.15:6.4","sn51.15:6.5","sn51.15:6.6"],"kind":"text","text":{"pi":"“Addhā, bho ānanda, evaṁ sante, santakaṁ hoti no asantakaṁ.\nAbhikkantaṁ, bho ānanda, abhikkantaṁ, bho ānanda.\nSeyyathāpi, bho ānanda, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya: ‘cakkhumanto rūpāni dakkhantī’ti; evamevaṁ bhotā ānandena anekapariyāyena dhammo pakāsito.\nEsāhaṁ, bho ānanda, taṁ bhavantaṁ gotamaṁ saraṇaṁ gacchāmi dhammañca bhikkhusaṅghañca.\nUpāsakaṁ maṁ bhavaṁ ānando dhāretu ajjatagge pāṇupetaṁ saraṇaṁ gatan”ti.\nPañcamaṁ.","en":"“Clearly, worthy Ānanda, this being the case, the path is finite, not endless.\nExcellent, worthy Ānanda! Excellent!\nAs if he were righting the overturned, or revealing the hidden, or pointing out the path to the lost, or lighting a lamp in the dark so people with clear eyes can see what’s there, the worthy Ānanda has made the teaching clear in many ways.\nI go for refuge to the worthy Gotama, to the teaching, and to the mendicant Saṅgha.\nFrom this day forth, may the worthy Ānanda remember me as a lay follower who has gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn51.15/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}