{"id":"sn51.21","title":"The Path","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn51.21","title":"The Path","units":[{"id":"sn51.21:0","sourceIds":["sn51.21:0.1","sn51.21:0.2","sn51.21:0.3"],"kind":"text","text":{"pi":"Saṁyutta Nikāya 51.21\n3. Ayoguḷavagga\nMaggasutta","en":"Linked Discourses 51.21\n3. The Iron Ball\nThe Path"}},{"id":"sn51.21:1","sourceIds":["sn51.21:1.1","sn51.21:1.2","sn51.21:1.3","sn51.21:1.4","sn51.21:1.5","sn51.21:1.6","sn51.21:1.7","sn51.21:1.8","sn51.21:1.9","sn51.21:1.10","sn51.21:1.11","sn51.21:1.12","sn51.21:1.13","sn51.21:1.14","sn51.21:1.15","sn51.21:1.16","sn51.21:1.17","sn51.21:1.18","sn51.21:1.19","sn51.21:1.20"],"kind":"text","text":{"pi":"Sāvatthinidānaṁ.\n“Pubbeva me, bhikkhave, sambodhā anabhisambuddhassa bodhisattasseva sato etadahosi:\n‘ko nu kho maggo, kā paṭipadā iddhipādabhāvanāyā’ti?\nTassa mayhaṁ, bhikkhave, etadahosi:\n‘idha bhikkhu chandasamādhippadhānasaṅkhārasamannāgataṁ iddhipādaṁ bhāveti—\niti me chando na ca atilīno bhavissati, na ca atippaggahito bhavissati, na ca ajjhattaṁ saṅkhitto bhavissati, na ca bahiddhā vikkhitto bhavissati.\nPacchāpuresaññī ca viharati—\nyathā pure tathā pacchā, yathā pacchā tathā pure;\nyathā adho tathā uddhaṁ, yathā uddhaṁ tathā adho;\nyathā divā tathā rattiṁ, yathā rattiṁ tathā divā.\nIti vivaṭena cetasā apariyonaddhena sappabhāsaṁ cittaṁ bhāveti.\nVīriyasamādhi …pe…\ncittasamādhi …\nvīmaṁsāsamādhippadhānasaṅkhārasamannāgataṁ iddhipādaṁ bhāveti—\niti me vīmaṁsā na ca atilīnā bhavissati, na ca atippaggahitā bhavissati, na ca ajjhattaṁ saṅkhittā bhavissati, na ca bahiddhā vikkhittā bhavissati.\nPacchāpuresaññī ca viharati—\nyathā pure tathā pacchā, yathā pacchā tathā pure;\nyathā adho tathā uddhaṁ, yathā uddhaṁ tathā adho;\nyathā divā tathā rattiṁ yathā rattiṁ tathā divā’—\niti vivaṭena cetasā apariyonaddhena sappabhāsaṁ cittaṁ bhāveti.","en":"At Sāvatthī.\n“Mendicants, before my awakening—when I was still unawakened but intent on awakening—I thought:\n‘What’s the path and practice for developing the bases of psychic power?’\nThen it occurred to me:\n‘It’s when a mendicant develops the basis of psychic power that has immersion due to enthusiasm, and active effort.\nThey think: “My enthusiasm won’t be too lax or too tense. And it’ll be neither constricted internally nor scattered externally.”\nAnd they meditate perceiving before and behind:\nas before, so behind; as behind, so before;\nas below, so above; as above, so below;\nas by day, so by night; as by night, so by day.\nAnd so, with an open and unenveloped heart, they develop a mind that’s full of radiance.\nThey develop the basis of psychic power that has immersion due to energy …\nmental development …\ninquiry, and active effort.\nThey think: “My inquiry won’t be too lax or too tense. And it’ll be neither constricted internally nor scattered externally.”\nAnd they meditate perceiving before and behind:\nas before, so behind; as behind, so before;\nas below, so above; as above, so below;\nas by day, so by night; as by night, so by day.\nAnd so, with an open and unenveloped heart, they develop a mind that’s full of radiance.’"}},{"id":"sn51.21:2","sourceIds":["sn51.21:2.1","sn51.21:2.2","sn51.21:2.3","sn51.21:2.4"],"kind":"text","text":{"pi":"Evaṁ bhāvitesu kho, bhikkhave, bhikkhu catūsu iddhipādesu evaṁ bahulīkatesu anekavihitaṁ iddhividhaṁ paccanubhoti—ekopi hutvā bahudhā hoti, bahudhāpi hutvā eko hoti …pe… yāva brahmalokāpi kāyena vasaṁ vatteti.\nEvaṁ bhāvitesu kho, bhikkhave, bhikkhu catūsu iddhipādesu evaṁ bahulīkatesu, āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharatī”ti.\nPaṭhamaṁ.\n(Chapi abhiññāyo vitthāretabbā.)","en":"When the four bases of psychic power have been developed and cultivated in this way, a mendicant wields the many kinds of psychic power: multiplying themselves and becoming one again … controlling the body as far as the realm of divinity.\nWhen the four bases of psychic power have been developed and cultivated in this way, they realize the undefiled freedom of heart and freedom by wisdom. And they live having realized it with their own insight in this very life due to the ending of defilements.”\n(The six direct knowledges should be told in full.)"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn51.21/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}