{"id":"sn55.35","title":"Footprints of the Gods (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.35","title":"Footprints of the Gods (2nd)","units":[{"id":"sn55.35:0","sourceIds":["sn55.35:0.1","sn55.35:0.2","sn55.35:0.3"],"kind":"text","text":{"pi":"Saṁyutta Nikāya 55.35\n4. Puññābhisandavagga\nDutiyadevapadasutta","en":"Linked Discourses 55.35\n4. Overflowing Merit\nFootprints of the Gods (2nd)"}},{"id":"sn55.35:1","sourceIds":["sn55.35:1.1"],"kind":"text","text":{"pi":"“Cattārimāni, bhikkhave, devānaṁ devapadāni avisuddhānaṁ sattānaṁ visuddhiyā apariyodātānaṁ sattānaṁ pariyodapanāya.","en":"“Mendicants, these four footprints of the gods are in order to purify unpurified beings and cleanse unclean beings."}},{"id":"sn55.35:2","sourceIds":["sn55.35:2.1","sn55.35:2.2","sn55.35:2.3","sn55.35:2.4","sn55.35:2.5","sn55.35:2.6","sn55.35:2.7","sn55.35:2.8","sn55.35:2.9","sn55.35:2.10"],"kind":"text","text":{"pi":"Katamāni cattāri?\nIdha, bhikkhave, ariyasāvako buddhe aveccappasādena samannāgato hoti—\nitipi so bhagavā …pe… satthā devamanussānaṁ buddho bhagavāti.\nSo iti paṭisañcikkhati:\n‘kiṁ nu kho devānaṁ devapadan’ti?\nSo evaṁ pajānāti:\n‘abyābajjhaparame khvāhaṁ etarahi deve suṇāmi.\nNa ca kho panāhaṁ kiñci byābādhemi tasaṁ vā thāvaraṁ vā.\nAddhāhaṁ devapadadhammasamannāgato viharāmī’ti.\nIdaṁ paṭhamaṁ devānaṁ devapadaṁ avisuddhānaṁ sattānaṁ visuddhiyā apariyodātānaṁ sattānaṁ pariyodapanāya.","en":"What four?\nFirstly, a noble disciple has experiential confidence in the Buddha:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nThen they reflect:\n‘What now is the footprint of the gods?’\nThey understand:\n‘I hear that these days the gods consider non-harming to be supreme.\nBut I don’t hurt any creature firm or frail.\nI definitely live in possession of a footprint of the gods.’\nThis is the first footprint of the gods in order to purify unpurified beings and cleanse unclean beings."}},{"id":"sn55.35:3","sourceIds":["sn55.35:3.1","sn55.35:3.2"],"kind":"text","text":{"pi":"Puna caparaṁ, bhikkhave, ariyasāvako dhamme …pe…\nsaṅghe …pe….","en":"Furthermore, a noble disciple has experiential confidence in the teaching …\nthe Saṅgha …"}},{"id":"sn55.35:4","sourceIds":["sn55.35:4.1","sn55.35:4.2","sn55.35:4.3","sn55.35:4.4","sn55.35:4.5","sn55.35:4.6","sn55.35:4.7","sn55.35:4.8","sn55.35:4.9","sn55.35:4.10"],"kind":"text","text":{"pi":"Puna caparaṁ, bhikkhave, ariyasāvako ariyakantehi sīlehi samannāgato hoti akhaṇḍehi …pe… samādhisaṁvattanikehi.\nSo iti paṭisañcikkhati:\n‘kiṁ nu kho devānaṁ devapadan’ti?\nSo evaṁ pajānāti:\n‘abyābajjhaparame khvāhaṁ etarahi deve suṇāmi.\nNa kho panāhaṁ kiñci byābādhemi tasaṁ vā thāvaraṁ vā.\nAddhāhaṁ devapadadhammasamannāgato viharāmī’ti.\nIdaṁ catutthaṁ devānaṁ devapadaṁ avisuddhānaṁ sattānaṁ visuddhiyā apariyodātānaṁ sattānaṁ pariyodapanāya.\nImāni kho, bhikkhave, cattāri devānaṁ devapadāni avisuddhānaṁ sattānaṁ visuddhiyā apariyodātānaṁ sattānaṁ pariyodapanāyā”ti.\nPañcamaṁ.","en":"Furthermore, a noble disciple’s ethical conduct is loved by the noble ones, unbroken, impeccable, spotless, and unmarred, liberating, praised by sensible people, not mistaken, and leading to immersion.\nThen they reflect:\n‘What now is the footprint of the gods?’\nThey understand:\n‘I hear that these days the gods consider non-harming to be supreme.\nBut I don’t hurt any creature firm or frail.\nI definitely live in possession of a footprint of the gods.’\nThis is the fourth footprint of the gods in order to purify unpurified beings and cleanse unclean beings.\nThese four footprints of the gods are in order to purify unpurified beings and cleanse unclean beings.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.35/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}