{"id":"sn55.8","title":"In the Brick Hall (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.8","title":"In the Brick Hall (1st)","units":[{"id":"sn55.8:0","sourceIds":["sn55.8:0.1","sn55.8:0.2","sn55.8:0.3"],"kind":"text","text":{"pi":"Saṁyutta Nikāya 55.8\n1. Veḷudvāravagga\nPaṭhamagiñjakāvasathasutta","en":"Linked Discourses 55.8\n1. At Bamboo Gate\nIn the Brick Hall (1st)"}},{"id":"sn55.8:1","sourceIds":["sn55.8:1.1","sn55.8:1.2","sn55.8:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā ñātike viharati giñjakāvasathe.\nAtha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:","en":"So I have heard.\nAt one time the Buddha was staying at Ñātika in the brick house.\nThen Venerable Ānanda went up to the Buddha, bowed, sat down to one side, and said to him:"}},{"id":"sn55.8:2","sourceIds":["sn55.8:2.1","sn55.8:2.2","sn55.8:2.3","sn55.8:2.4","sn55.8:2.5","sn55.8:2.6","sn55.8:2.7","sn55.8:2.8"],"kind":"text","text":{"pi":"“Sāḷho nāma, bhante, bhikkhu kālaṅkato;\ntassa kā gati ko abhisamparāyo?\nNandā nāma, bhante, bhikkhunī kālaṅkatā;\ntassā kā gati ko abhisamparāyo?\nSudatto nāma, bhante, upāsako kālaṅkato;\ntassa kā gati ko abhisamparāyo?\nSujātā nāma, bhante, upāsikā kālaṅkatā;\ntassā kā gati, ko abhisamparāyo”ti?","en":"“Sir, the monk named Sāḷha has passed away.\nWhere has he been reborn in his next life?\nThe nun named Nandā,\nthe layman named Sudatta,\nand the laywoman named Sujātā have passed away.\nWhere have they been reborn in the next life?”"}},{"id":"sn55.8:3","sourceIds":["sn55.8:3.1","sn55.8:3.2","sn55.8:3.3","sn55.8:3.4"],"kind":"text","text":{"pi":"“Sāḷho, ānanda, bhikkhu kālaṅkato āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja vihāsi.\nNandā, ānanda, bhikkhunī kālaṅkatā pañcannaṁ orambhāgiyānaṁ saṁyojanānaṁ parikkhayā opapātikā tattha parinibbāyinī anāvattidhammā tasmā lokā.\nSudatto, ānanda, upāsako kālaṅkato tiṇṇaṁ saṁyojanānaṁ parikkhayā rāgadosamohānaṁ tanuttā sakadāgāmī; sakideva imaṁ lokaṁ āgantvā dukkhassantaṁ karissati.\nSujātā, ānanda, upāsikā kālaṅkatā tiṇṇaṁ saṁyojanānaṁ parikkhayā sotāpannā avinipātadhammā niyatā sambodhiparāyaṇā.","en":"“Ānanda, the monk Sāḷha passed away having realized the undefiled freedom of heart and freedom by wisdom, having realized it with his own insight in this very life due to the ending of defilements.\nThe nun Nandā passed away having ended the five lower fetters. She’s been reborn spontaneously, and will be extinguished there, not liable to return from that world.\nThe layman Sudatta passed away having ended three fetters, and weakened greed, hate, and delusion. He’s a once-returner; he will come back to this world once only, then make an end of suffering.\nThe laywoman Sujātā passed away having ended three fetters. She’s a stream-enterer, not liable to be reborn in the underworld, assured, destined for awakening."}},{"id":"sn55.8:4","sourceIds":["sn55.8:4.1","sn55.8:4.2","sn55.8:4.3","sn55.8:4.4"],"kind":"text","text":{"pi":"Anacchariyaṁ kho panetaṁ, ānanda, yaṁ manussabhūto kālaṁ kareyya;\ntasmiṁ tasmiñce maṁ kālaṅkate upasaṅkamitvā etamatthaṁ paṭipucchissatha. Vihesā pesā, ānanda, assa tathāgatassa.\nTasmātihānanda, dhammādāsaṁ nāma dhammapariyāyaṁ desessāmi; yena samannāgato ariyasāvako ākaṅkhamāno attanāva attānaṁ byākareyya:\n‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’.","en":"It’s no wonder that a human being should pass away.\nBut if you should come and ask me about it each and every time someone dies that would be a bother for me.\nSo Ānanda, I will teach you the explanation of the Dhamma named ‘the mirror of the teaching’. A noble disciple who has this may declare of themselves:\n‘I’ve finished with rebirth in hell, the animal realm, and the ghost realm. I’ve finished with all places of loss, bad places, the underworld. I am a stream-enterer! I’m not liable to be reborn in the underworld, and am assured, destined for awakening.’"}},{"id":"sn55.8:5","sourceIds":["sn55.8:5.1","sn55.8:5.2"],"kind":"text","text":{"pi":"Katamo ca so, ānanda, dhammādāso dhammapariyāyo; yena samannāgato ariyasāvako ākaṅkhamāno attanāva attānaṁ byākareyya:\n‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’?","en":"And what is that mirror of the teaching?"}},{"id":"sn55.8:6","sourceIds":["sn55.8:6.1","sn55.8:6.2","sn55.8:6.3","sn55.8:6.4","sn55.8:6.5","sn55.8:6.6","sn55.8:6.7","sn55.8:6.8","sn55.8:6.9"],"kind":"text","text":{"pi":"Idha, ānanda, ariyasāvako buddhe aveccappasādena samannāgato hoti—itipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe …pe…\nariyakantehi sīlehi samannāgato hoti akhaṇḍehi …pe… samādhisaṁvattanikehi.\nAyaṁ kho so, ānanda, dhammādāso dhammapariyāyo;\nyena samannāgato ariyasāvako ākaṅkhamāno attanāva attānaṁ byākareyya:\n‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’”ti.\nAṭṭhamaṁ.\n(Tīṇipi suttantāni ekanidānāni.)","en":"It’s when a noble disciple has experiential confidence in the Buddha …\nthe teaching …\nthe Saṅgha …\nAnd they have the ethical conduct loved by the noble ones … leading to immersion.\nThis is that mirror of the teaching.\nA noble disciple who has this may declare of themselves:\n‘I’ve finished with rebirth in hell, the animal realm, and the ghost realm. I’ve finished with all places of loss, bad places, the underworld. I am a stream-enterer! I’m not liable to be reborn in the underworld, and am assured, destined for awakening.’”\n(The following two discourses have the same setting.)"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.8/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}