{"id":"sn56.46","title":"Darkness","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn56.46","title":"Darkness","units":[{"id":"sn56.46:0","sourceIds":["sn56.46:0.1","sn56.46:0.2","sn56.46:0.3"],"kind":"text","text":{"pi":"Saṁyutta Nikāya 56.46\n5. Papātavagga\nAndhakārasutta","en":"Linked Discourses 56.46\n5. A Cliff\nDarkness"}},{"id":"sn56.46:1","sourceIds":["sn56.46:1.1"],"kind":"text","text":{"pi":"“Atthi, bhikkhave, lokantarikā aghā asaṁvutā andhakārā andhakāratimisā, yatthamimesaṁ candimasūriyānaṁ evaṁmahiddhikānaṁ evaṁ mahānubhāvānaṁ ābhāya nānubhontī”ti.","en":"“Mendicants, the boundless gloom of interstellar space is so utterly dark that even the luminosity of the moon and the sun, so mighty and powerful, makes no impression.”"}},{"id":"sn56.46:2","sourceIds":["sn56.46:2.1","sn56.46:2.2","sn56.46:2.3","sn56.46:2.4"],"kind":"text","text":{"pi":"Evaṁ vutte, aññataro bhikkhu bhagavantaṁ etadavoca:\n“mahā vata so, bhante, andhakāro, sumahā vata so, bhante, andhakāro.\nAtthi nu kho, bhante, etamhā andhakārā añño andhakāro mahantataro ca bhayānakataro cā”ti?\n“Atthi kho, bhikkhu, etamhā andhakārā añño andhakāro mahantataro ca bhayānakataro cā”ti.","en":"When he said this, one of the mendicants said to the Buddha,\n“Sir, that darkness really is mighty, so very mighty.\nIs there any other darkness more mighty and terrifying than this one?”\n“There is, mendicant.”"}},{"id":"sn56.46:3","sourceIds":["sn56.46:3.1","sn56.46:3.2","sn56.46:3.3","sn56.46:3.4","sn56.46:3.5","sn56.46:3.6","sn56.46:3.7"],"kind":"text","text":{"pi":"“Katamo pana, bhante, etamhā andhakārā añño andhakāro mahantataro ca bhayānakataro cā”ti?\n“Ye hi keci, bhikkhu, samaṇā vā brāhmaṇā vā ‘idaṁ dukkhan’ti yathābhūtaṁ nappajānanti …pe… ‘ayaṁ dukkhanirodhagāminī paṭipadā’ti yathābhūtaṁ nappajānanti,\nte jātisaṁvattanikesu saṅkhāresu abhiramanti …pe…\nabhiratā …pe… abhisaṅkharonti …pe…\nabhisaṅkharitvā jātandhakārampi papatanti, jarandhakārampi papatanti, maraṇandhakārampi papatanti, sokaparidevadukkhadomanassupāyāsandhakārampi papatanti.\nTe na parimuccanti jātiyā jarāya maraṇena sokehi paridevehi dukkhehi domanassehi upāyāsehi.\n‘Na parimuccanti dukkhasmā’ti vadāmi.","en":"“But sir, what is it?”\n“There are ascetics and brahmins who don’t truly understand about suffering, its origin, its cessation, and the path.\nThey take pleasure in choices that lead to rebirth …\nThey continue to make such choices …\nHaving made such choices, they fall into the darkness of rebirth, old age, and death, of sorrow, lamentation, pain, sadness, and distress.\nThey’re not freed from rebirth, old age, and death, from sorrow, lamentation, pain, sadness, and distress.\nThey’re not freed from suffering, I say."}},{"id":"sn56.46:4","sourceIds":["sn56.46:4.1","sn56.46:4.2","sn56.46:4.3","sn56.46:4.4","sn56.46:4.5","sn56.46:4.6"],"kind":"text","text":{"pi":"Ye ca kho keci, bhikkhu, samaṇā vā brāhmaṇā vā ‘idaṁ dukkhan’ti yathābhūtaṁ pajānanti …pe… ‘ayaṁ dukkhanirodhagāminī paṭipadā’ti yathābhūtaṁ pajānanti,\nte jātisaṁvattanikesu saṅkhāresu nābhiramanti …pe…\nanabhiratā …pe… nābhisaṅkharonti …pe…\nanabhisaṅkharitvā jātandhakārampi nappapatanti, jarandhakārampi nappapatanti, maraṇandhakārampi nappapatanti, sokaparidevadukkhadomanassupāyāsandhakārampi nappapatanti.\nTe parimuccanti jātiyā jarāya maraṇena sokehi paridevehi dukkhehi domanassehi upāyāsehi.\n‘Parimuccanti dukkhasmā’ti vadāmi.","en":"There are ascetics and brahmins who truly understand about suffering, its origin, its cessation, and the path.\nThey don’t take pleasure in choices that lead to rebirth …\nThey stop making such choices …\nHaving stopped making such choices, they don’t fall into the darkness of rebirth, old age, and death, of sorrow, lamentation, pain, sadness, and distress.\nThey’re freed from rebirth, old age, and death, from sorrow, lamentation, pain, sadness, and distress.\nThey’re freed from suffering, I say."}},{"id":"sn56.46:5","sourceIds":["sn56.46:5.1","sn56.46:5.2"],"kind":"text","text":{"pi":"Tasmātiha, bhikkhave, ‘idaṁ dukkhan’ti yogo karaṇīyo …pe… ‘ayaṁ dukkhanirodhagāminī paṭipadā’ti yogo karaṇīyo”ti.\nChaṭṭhaṁ.","en":"That’s why you should practice meditation …”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn56.46/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}