{"id":"ud1.6","title":"With Mahākassapa","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud1.6","title":"With Mahākassapa","units":[{"id":"ud1.6:0","sourceIds":["ud1.6:0.1","ud1.6:0.2"],"kind":"text","text":{"pi":"Udāna 1.6\nMahākassapasutta","en":"Heartfelt Sayings 1.6\nWith Mahākassapa"}},{"id":"ud1.6:1","sourceIds":["ud1.6:1.1","ud1.6:1.2","ud1.6:1.3","ud1.6:1.4","ud1.6:1.5","ud1.6:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati veḷuvane kalandakanivāpe.\nTena kho pana samayena āyasmā mahākassapo pippaliguhāyaṁ viharati ābādhiko dukkhito bāḷhagilāno.\nAtha kho āyasmā mahākassapo aparena samayena tamhā ābādhā vuṭṭhāsi.\nAtha kho āyasmato mahākassapassa tamhā ābādhā vuṭṭhitassa etadahosi:\n“yannūnāhaṁ rājagahaṁ piṇḍāya paviseyyan”ti.","en":"So I have heard.\nAt one time the Buddha was staying near Rājagaha in the Bamboo Grove, the squirrels’ feeding ground.\nNow at that time Venerable Mahākassapa was staying in the Pipphali cave, and he was sick, suffering, gravely ill.\nThen after some time he recovered from that illness.\nIt occurred to him,\n“Why not enter Rājagaha for almsfood?”"}},{"id":"ud1.6:2","sourceIds":["ud1.6:2.1","ud1.6:2.2","ud1.6:2.3","ud1.6:2.4"],"kind":"text","text":{"pi":"Tena kho pana samayena pañcamattāni devatāsatāni ussukkaṁ āpannāni honti āyasmato mahākassapassa piṇḍapātapaṭilābhāya.\nAtha kho āyasmā mahākassapo tāni pañcamattāni devatāsatāni paṭikkhipitvā pubbaṇhasamayaṁ nivāsetvā pattacīvaramādāya rājagahaṁ piṇḍāya pāvisi—\nyena daliddavisikhā kapaṇavisikhā pesakāravisikhā.\nAddasā kho bhagavā āyasmantaṁ mahākassapaṁ rājagahe piṇḍāya carantaṁ yena daliddavisikhā kapaṇavisikhā pesakāravisikhā.","en":"Now at that time five hundred deities were ready and eager for the chance to offer alms to Mahākassapa.\nBut Mahākasspa turned down those deities. In the morning, he robed up, took his bowl and robe, and entered Rājagaha for alms.\nHe went to the street markets of the poor, the destitute, and the embroiderers.\nThe Buddha saw him wandering for alms in the street markets of the poor, the destitute, and the embroiderers."}},{"id":"ud1.6:3","sourceIds":["ud1.6:3.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud1.6:4","sourceIds":["ud1.6:4.1","ud1.6:4.2","ud1.6:4.3","ud1.6:4.4","ud1.6:4.5"],"kind":"text","text":{"pi":"“Anaññaposimaññātaṁ,\ndantaṁ sāre patiṭṭhitaṁ;\nKhīṇāsavaṁ vantadosaṁ,\ntamahaṁ brūmi brāhmaṇan”ti.\nChaṭṭhaṁ.","en":"“The stranger, providing for no other,\ntamed, consolidated in the core,\nwith defilements ended and flaws purged:\nthat’s who I declare a brahmin.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud1.6/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}