{"id":"ud1.8","title":"With Saṅgāmaji","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud1.8","title":"With Saṅgāmaji","units":[{"id":"ud1.8:0","sourceIds":["ud1.8:0.1","ud1.8:0.2"],"kind":"text","text":{"pi":"Udāna 1.8\nSaṅgāmajisutta","en":"Heartfelt Sayings 1.8\nWith Saṅgāmaji"}},{"id":"ud1.8:1","sourceIds":["ud1.8:1.1","ud1.8:1.2","ud1.8:1.3","ud1.8:1.4","ud1.8:1.5","ud1.8:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena āyasmā saṅgāmaji sāvatthiṁ anuppatto hoti bhagavantaṁ dassanāya.\nAssosi kho āyasmato saṅgāmajissa purāṇadutiyikā:\n“ayyo kira saṅgāmaji sāvatthiṁ anuppatto”ti.\nSā dārakaṁ ādāya jetavanaṁ agamāsi.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time Venerable Saṅgāmaji had arrived at Sāvatthī to see the Buddha.\nHis former wife heard\nthat he had arrived,\nand went to the Jetavana, taking their boy."}},{"id":"ud1.8:2","sourceIds":["ud1.8:2.1","ud1.8:2.2","ud1.8:2.3","ud1.8:2.4"],"kind":"text","text":{"pi":"Tena kho pana samayena āyasmā saṅgāmaji aññatarasmiṁ rukkhamūle divāvihāraṁ nisinno hoti.\nAtha kho āyasmato saṅgāmajissa purāṇadutiyikā yenāyasmā saṅgāmaji tenupasaṅkami; upasaṅkamitvā āyasmantaṁ saṅgāmajiṁ etadavoca:\n“khuddaputtañhi, samaṇa, posa man”ti.\nEvaṁ vutte, āyasmā saṅgāmaji tuṇhī ahosi.","en":"Now at that time Venerable Saṅgāmaji was sitting at the root of a tree for the day’s meditation.\nThen his former wife went up to him and said,\n“Ascetic, please raise this little boy.”\nWhen she said this, Saṅgāmaji kept silent."}},{"id":"ud1.8:3","sourceIds":["ud1.8:3.1","ud1.8:3.2","ud1.8:3.3"],"kind":"text","text":{"pi":"Dutiyampi kho āyasmato saṅgāmajissa purāṇadutiyikā āyasmantaṁ saṅgāmajiṁ etadavoca:\n“khuddaputtañhi, samaṇa, posa man”ti.\nDutiyampi kho āyasmā saṅgāmaji tuṇhī ahosi.","en":"For a second time she said,\n“Ascetic, please raise this little boy.”\nFor a second time, Saṅgāmaji kept silent."}},{"id":"ud1.8:4","sourceIds":["ud1.8:4.1","ud1.8:4.2","ud1.8:4.3"],"kind":"text","text":{"pi":"Tatiyampi kho āyasmato saṅgāmajissa purāṇadutiyikā āyasmantaṁ saṅgāmajiṁ etadavoca:\n“khuddaputtañhi, samaṇa, posa man”ti.\nTatiyampi kho āyasmā saṅgāmaji tuṇhī ahosi.","en":"For a third time she said,\n“Ascetic, please raise this little boy.”\nFor a third time, Saṅgāmaji kept silent."}},{"id":"ud1.8:5","sourceIds":["ud1.8:5.1","ud1.8:5.2"],"kind":"text","text":{"pi":"Atha kho āyasmato saṅgāmajissa purāṇadutiyikā taṁ dārakaṁ āyasmato saṅgāmajissa purato nikkhipitvā pakkāmi:\n“eso te, samaṇa, putto; posa nan”ti.","en":"Then she put down the boy in front of Saṅgāmaji, saying,\n“This is your child, ascetic. Please raise him.”"}},{"id":"ud1.8:6","sourceIds":["ud1.8:6.1","ud1.8:6.2","ud1.8:6.3","ud1.8:6.4","ud1.8:6.5"],"kind":"text","text":{"pi":"Atha kho āyasmā saṅgāmaji taṁ dārakaṁ neva olokesi nāpi ālapi.\nAtha kho āyasmato saṅgāmajissa purāṇadutiyikā avidūraṁ gantvā apalokentī addasa āyasmantaṁ saṅgāmajiṁ taṁ dārakaṁ neva olokentaṁ nāpi ālapantaṁ, disvānassā etadahosi:\n“na cāyaṁ samaṇo puttenapi atthiko”ti.\nTato paṭinivattitvā dārakaṁ ādāya pakkāmi.\nAddasā kho bhagavā dibbena cakkhunā visuddhena atikkantamānusakena āyasmato saṅgāmajissa purāṇadutiyikāya evarūpaṁ vippakāraṁ.","en":"But Saṅgāmaji neither looked at the boy nor spoke to him.\nThen his former wife went a little distance away. Looking back, she saw Saṅgāmaji ignoring the boy, and thought,\n“This ascetic doesn’t even want his child.”\nShe returned to pick up the boy, then left.\nWith clairvoyance that is purified and superhuman, the Buddha saw how Saṅgāmaji’s former wife went back for the child."}},{"id":"ud1.8:7","sourceIds":["ud1.8:7.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud1.8:8","sourceIds":["ud1.8:8.1","ud1.8:8.2","ud1.8:8.3","ud1.8:8.4","ud1.8:8.5"],"kind":"text","text":{"pi":"“Āyantiṁ nābhinandati,\npakkamantiṁ na socati;\nSaṅgā saṅgāmajiṁ muttaṁ,\ntamahaṁ brūmi brāhmaṇan”ti.\nAṭṭhamaṁ.","en":"“When she came he was not glad,\nwhen she left he did not grieve.\nVictorious in battle, freed from chains,\nthat’s who I declare a brahmin.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud1.8/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}