{"id":"ud4.6","title":"The Alms-Gatherer","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud4.6","title":"The Alms-Gatherer","units":[{"id":"ud4.6:0","sourceIds":["ud4.6:0.1","ud4.6:0.2"],"kind":"text","text":{"pi":"Udāna 4.6\nPiṇḍolasutta","en":"Heartfelt Sayings 4.6\nThe Alms-Gatherer"}},{"id":"ud4.6:1","sourceIds":["ud4.6:1.1","ud4.6:1.2","ud4.6:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena āyasmā piṇḍolabhāradvājo bhagavato avidūre nisinno hoti pallaṅkaṁ ābhujitvā ujuṁ kāyaṁ paṇidhāya āraññiko piṇḍapātiko paṁsukūliko tecīvariko appiccho santuṭṭho pavivitto asaṁsaṭṭho āraddhavīriyo dhutavādo adhicittamanuyutto.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time Venerable Bhāradvāja the Alms-Gatherer was sitting not far from the Buddha, cross-legged, with his body straight. He was one who lived in the wilderness, ate only almsfood, wore rag robes, and owned just three robes. He was of few wishes, content, secluded, aloof, and energetic, an advocate of austerities, dedicated to the higher mind."}},{"id":"ud4.6:2","sourceIds":["ud4.6:2.1"],"kind":"text","text":{"pi":"Addasā kho bhagavā āyasmantaṁ piṇḍolabhāradvājaṁ avidūre nisinnaṁ pallaṅkaṁ ābhujitvā ujuṁ kāyaṁ paṇidhāya āraññikaṁ piṇḍapātikaṁ paṁsukūlikaṁ tecīvarikaṁ appicchaṁ santuṭṭhaṁ pavivittaṁ asaṁsaṭṭhaṁ āraddhavīriyaṁ dhutavādaṁ adhicittamanuyuttaṁ.","en":"The Buddha saw him meditating there."}},{"id":"ud4.6:3","sourceIds":["ud4.6:3.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud4.6:4","sourceIds":["ud4.6:4.1","ud4.6:4.2","ud4.6:4.3","ud4.6:4.4","ud4.6:4.5","ud4.6:4.6","ud4.6:4.7"],"kind":"text","text":{"pi":"“Anūpavādo anūpaghāto,\nPātimokkhe ca saṁvaro;\nMattaññutā ca bhattasmiṁ,\nPantañca sayanāsanaṁ;\nAdhicitte ca āyogo,\nEtaṁ buddhāna sāsanan”ti.\nChaṭṭhaṁ.","en":"“Not speaking ill nor doing harm;\nrestraint in the monastic code;\nmoderation in eating;\nstaying in remote lodgings;\ncommitment to the higher mind—\nthis is the instruction of the Buddhas.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud4.6/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}